Progress in Vijayawada Airport Runway Expansion Works

  • Earth field is being build with 7 Lakh Cubic Meter of soil
  • At present 60,000 Cubic Meter of Soil field is available. 
  • 70 శాతం ల్యాండ్‌ లెవలింగ్‌ సర్వే పూర్తి
నవ్యాంధ్రప్రదేశ రాజధాని అమరావతికి అత్యంత తలమానికమైన విజయవాడ ఎయిర్‌పోర్టు రన్‌వే విస్తరణ పనులు శరవేగంగా జరుగుతున్నాయి. రూ.160కోట్ల వ్యయంతో రన్ వే విస్తరణను గడువులోగా పూర్తి చేసేలా ఎయిర్‌పోర్టు ఉన్నతాధికారులు పర్యవేక్షణ చేస్తున్నారు. కాంట్రాక్టు సంస్థ పీఆర్‌ఎల్‌ ప్రాజెక్ట్స్‌ శీఘ్రగతిన పనులు చేస్తోంది. కాంట్రాక్టు సంస్థ ఫిబ్రవరి 19న పనులు ప్రారంభించింది. నవంబర్‌ 19, 2018 నాటికి విస్తరణ పనులను పూర్తి చేయాల్సి ఉంది. ప్రస్తుతం పనులు పదిశాతం పైగా పురోగతిలో ఉండటం విశేషం. విస్తరణకు సంబంధించి ఎర్త్‌ఫిల్లింగ్‌, సర్వే ఆఫ్‌ లెవలింగ్‌ పనులు సమాంతరంగా జరుగుతున్నాయి. విస్తరణకు కృష్ణాజిల్లా యంత్రాంగం అప్పగించిన 468 ఎకరాల భూముల్లో ప్రస్తుతం ఎర్త్‌ఫిల్లింగ్‌ పనులు చేపట్టారు. దీనిలో భాగంగా మట్టిలైనింగ్‌కు ఏడు లక్షల క్యూబిక్‌ మీటర్ల మట్టి అవసరం కాగా జిల్లా యంత్రాంగం గొల్లనపల్లి సమీపంలోని బ్రహ్మయ్యలింగం చెరువు దగ్గర నుంచి మట్టి తీసుకోవటానికి అనుమతి ఇచ్చింది. ఇప్పటివరకు అరవై వేల క్యూబిక్‌ మీటర్ల మేర మట్టితోలకం జరిగింది. భూమి లెవలింగ్‌కు సంబంధించి సర్వే పనులు 70 శాతం మేర పూర్తయ్యాయి. పనులను వేగవంతంగా నిర్వహించటానికి వీలుగా కాంట్రాక్టు సంస్థ పీఆర్‌ఎల్‌ ప్రాజెక్ట్స్‌ కాంక్రీట్‌ మిక్సింగ్ యూనిట్‌ను కూడా సన్నద్ధం చేసుకుంటోంది. బుద్ధవరం సమీపంలో దీనిని ఏర్పాటు చేస్తున్నారు. ఇప్పటికే చిప్స్‌ కోసం క్రషర్‌ను ఏర్పాటు చేశారు. మట్టిలెవలింగ్‌ పనులు పూర్తికాగానే హాట్‌మిక్స్‌ పనులు ఆతర్వాత వెట్‌మిక్స్‌ పనులు చేపట్టాల్సి ఉంది. దీనిని దృష్టిలో ఉంచుకుని యుద్ధ ప్రాతిపదికన రెడీ మిక్స్‌ ప్లాంట్‌ను కూడా సన్నద్ధం చేసే పని ప్రారంభించారు.
11,023 అడుగులకు చేరనున్న రన్‌వే
విజయవాడ ఎయిర్‌పోర్టు రనవే ఇప్పటికి రెండు దఫాలుగా విస్తరించారు. మూడవసారి గరిష్ట స్థాయిలో విస్తరిస్తున్నారు. ప్రస్తుతం 7,500 అడుగుల మేర రన్‌వే ఉంది. తాజాగా 3523 అడుగుల మేర విస్తరిస్తున్నారు. మొత్తంగా 11,023 అడుగుల మేర రన్‌వేను విస్తరిస్తున్నారు. ప్రస్తుతం రన్‌వే విస్తరణకు సంబంధించి చూస్తే రాష్ట్రంలోని విశాఖ, రాజమండ్రి, తిరుపతి ఎయిర్‌పోర్టుల కంటే కూడా అతిపెద్ద రన్‌వే ఉన్న ఎయిర్‌పోర్టుగా విజయవాడ ఎయిర్‌పోర్టు నిలవబోతుంది.
ప్రత్యామ్నాయ సేవల కోసం కలెక్టర్‌కు లేఖ

రన్‌వే విస్తరణ పనుల నేపథ్యంలో, పురోగతికి రెండు సమస్యలు ఇబ్బందిగా మారే అవకాశం ఉంది. బుద్ధవరం గ్రామానికి వెళ్లే బీటీ రోడ్డుతో పాటు, పొలాల నుంచి వెళుతున్న ఎల్‌టీ విద్యుత్ లైన్లు ఇబ్బందికరంగా ఉన్నాయి. వీటిని తక్షణం మరోచోటకు బదలాయించాల్సి ఉంది. బుద్ధవరం గ్రామానికి యుద్ధప్రాతిపదికన ప్రస్తుతం పొడిగింపు రన్‌వే చివరి నుంచి రోడ్డు మార్గాన్ని కల్పించాల్సి ఉంటుంది. ఎల్‌టీ విద్యుత లైన్లను కూడా అదేవిధంగా నూతన రోడ్డు మార్గం వెంబడిగా తీసుకువెళ్ళాల్సి ఉంటుంది. ఈ రెండింటికీ తక్షణం ప్రత్యామ్నాయాలు కల్పించాల్సిందిగా విమానాశ్రయ అధికారులు జిల్లా కలెక్టర్‌కు లేఖ రాయటం జరిగింది. రోడ్డు నిర్మాణానికి సంబంధించి ప్రత్యేకంగా ఆర్‌అండ్‌బీ రాష్ట్ర ఉన్నతాధికారులకు కూడా విమానాశ్రయ అధికారులు లేఖ రాసినట్టు తెలుస్తోంది.

Comments

comments

You may also like...